المساء زكرنــــــــــي ليك
وانتي أصلا فــــــي الخاطر
ويوت يانـــــــي المشتهيك
وتناديني تعــــال يا الشاطر
وبلهفة الشـــــــــوق أجيك
يا حبوبة ايـــــــــــــوا حاضر
تعال يا عشاي لــــي جاي
أسمع وصيتـــــــي وحجاي
وجيب كبايتك أزيــــدك شاي
وكان عايز اللبن منتــال جاي
وانا كيف ما بتزكــرك يا حبوبة
والغربة قست وصعبــت دروبا
لو خيرت كان قلت منها التوبة
لا أنيس لا قريــــــب لا محبوبة
وكيفك الان طمنينـــــي شوية
الصحة والشوف والقومة البدرية
ضحكتك ديك وجبينتك العصرية
وكبف حال جدو السلاحو طورية
سبحتو والابريق والتبروقة والنية
ما نسيتكم يوم ولا نسيت الوصية
وليدكم صابر في بلد الصلاة بالهوية
وبلدنا لسة في حالها بالفقر مشوية
كيزان شربت دم الفقــــاري ضحوية
حلت بحق اليتامي بالقـــوة و دورية
ما خافت الله يوم ويــن الرجال الثورية
يا وطن مكلوم ومظلوم وماها المحرية
السبت فبراير 18, 2017 2:01 pm من طرف 
