الطيب عبدالله محمد جبريل المدير العام
عدد المساهمات : 102 تاريخ التسجيل : 18/12/2010 العمر : 42
| موضوع: رحيل الشاعر الكبير محمد الحسن سالم حميد الأربعاء مارس 21, 2012 3:16 pm | |
| في ليلة أمس الثلاثاء20 مارس 2012 رحل عن دنيانا الشاعر الكبير ورمز القضية والسوداني الغيور الشاعر محمد الحسن حسن سالم حميد اثر حادث مرور قادما من الشمالية للخرطومالسيرة الزاتية :::
شاعر سودانى ذو حس صادق .. واختياره لكلماته تتم بعناية فائقه تؤخذ من صميم معناة المجتمع السودانى صوته يعنى الملايين الغلابه التى تعانى من الفقر والجوع والابتزاز ..مثال واضح للمواطن السودانى فى حقب التاريخ ..من مواليد عام 1956 بقرية جريف نورى بالولاية الشمالية 0 تلقى تعليمه الأولى والأوسط بمدينة نورى،الثانوى بمدرسة عطبرة الشعبية الثانوية0 عمل فى هيئة الموانىء البحرية منذ عام 1978 حتى 1992 متنقلا بين الخرطوم وبورتسودان0 تغنى له الفنان الراحل مصطفى سيداحمد احمد باروع الحانه ..يعشقة الشباب فى كل الجامعات السودانيه .. كما انه محبوب وسط الطبقات المثقفه فى مجتمعنا الحبيب ..له عدة دواوين منها: حجر الدغش، مجموعة نورا،الجابرية، ست الدار ،مصابيح السما التامنة وطشيش0 يرحمك الله رحمه واسعه وساعات المفرده الانيقه لو خيوط الشعر تصبح يوم بيـوت لو نزيف الحرف يصبح مرة قوت ما كـان في زول فى هــم يعيش أو حتى زول من جوع يموت *** كـنت بكـتب ,, كـنت بنزف وتصبح الكـلمات رغـيف ويرحـل الجـــوع المزامن وصوته فى الأرواح يقــيف وكـنت بكـتب وتانى أكـتب ومنى يندلى النزيف لو مخاض الحرف يتولد مداين كنت بملا الليل صراخ وأنجب آلاف الشوارع فيها ألاف الجناين يضحكوا الأطفال يغنوا للتــشابه فى المــلابس والــدوافع والمــدارس ويمـــــشى منهزم التباين وتلقى فى كل المرافق لافوارق ,,,, لاطوابق ,,,, لاشواهق شاهـقــة فى الناس المبادئ وسامـيه فى الناس المحبه ونايمه ما بتصحى الضغاين ومافى ناس للغير أعادى وتلقـــى فى المــدن الجديده الحـــــــــوانيت الصـغيره والمـــــــدارس ديمه فاتحه ومافى رجعه مع الظــهيره والمـــــــــــعلم ياهو ذاتو نفس هـيبتـو تلــقى يشرح بى ثبـــــــــــــاتو يسقى فى الطلبه المبادئ ويدى معلومتو الكبيرة *** وتلقى فى الحارة الدكاترة المــــــــــــــــديرين و البياطـــــرة ومـــــا ب تقارن بين بيوتن أو بيوت أهلى الكماسره الطــــــبع فى الحله واحد والشــــــــــــــــــــبه فى الحله واحد وحتى لـــــونن برضو واحد ومافى حاجه فريده ظاهره *** وتــــــلقى فى كل المواقع المــــــــظلات الانــيقه والقناديل فى الشــوارع يــــضوى يتقسم بريقـــا للمــن المصــنع جا راجع وللمـاشين الحديقه وتلقى قبل القتو ليكا المـجلات و الجرايد والكتب مجان تُوزع وكل دواوين القصايد والكتب مجان توزع مجــــــــان مجـــــــــان | |
|